سلام اس پر کہ جس نے بیکسوں کی دستگیری کی
سلام اس پر کے جس نے بادشاہی میں فقیری کی
سلام اس پر کہ اسرارِ محبت جس نے سمجھا ئے
سلام اس پر کہ جس نے زخم کھا کر پھول برسائے
سلام اس پر کہ جسنے خوں کے پیاسوں کو قبائیں دیں
سلام اس پر کہ جس نے گالیاں سن کر دعائیں دیں
سلام اس پر کہ دُشمن کو حیاتِ جادواں دیدی
سلام اس پرابو سفیان کو جس نے اماں دیدی
سلام اس پر کہ جسکا ذکر ہے سارے صحائف میں
سلام اس پر کہ ہوا مجروح جو بازارِ طائف میں
سلام اس پر وطن کے لوگ جس کو تنگ کرتے تھے
سلام اس پر کہ گھر والے بھی جس سے جنگ کرتے تھے
سلام اس پر کہ جسکے گھر میں چاندی تھی نہ سونا تھا
سلام اس پر کہ ٹوٹا بوریا جس کا بچھونا تھا
سلام اس پر جو سچائی کی خاطر دکھ اٹھاتا تھا
سلام اس پر کہ جو بھوکا رہ کے اوروں کو کھلاتا تھا
سلام اس پر جو اُمت کیلئے راتوں کو روتا تھا
سلام اس پر جو فرشِ خاک پر جاڑے میں سوتا تھا
سلام اس پر کہ جس نے جھولیاں بھردیں فقیروں کی
سلام اس پر کہ مشکیں کھول دیں جس نے اسیروں کی
سلام اس پر کہ تھا الفقر فخری جس کا سرمایہ
سلام اس پر کہ جس کے جسمِ اطہر کا نہ تھا سایہ
سلام اس پر کہ جسنے فضل کے موتی بکھیرے ہیں
سلام اس پر بروں کو جس نے فرمایا کہ میرے ہیں
سلام اس پر کہ جس کی چاند تاروں نے گواہی دی
سلام اس پر کہ جسکی سنگ پاروں نے گواہی دی
سلام اس پر کہ جس نے چاند کو دو ٹکڑے فرمایا
سلام اس پر کہ جس کے حکم سے سورج پلٹ آیا
سلام اس پر فضا جس نے زمانہ کی بدل ڈالی
سلام اس پر کہ جس نے کفر کی قوت کچل ڈالی
سلام اس پر شکستیں جسنے دیں باطل کی فوجوں کو
سلام اس پر کہ ساکن کردیا طوفاں کی موجوں کو
سلام اس پرکہ جس نے کافروں کے زور کو توڑا
سلام اس پر کہ جس نے پنجۂ بے داد کو موڑا
سلام اس پر سرِ شہنشاہی جس نے جھکایا تھا
سلام اس پر کہ جس نے کفر کو نیچا دکھایا تھا
سلام اس پر کہ جس نے زندگی کا راز سمجھایا
سلام اس پر کہ جو خود بدر کے میدان میں آیا
سلام اس پر بھلا سکتے نہیں جس کا کبھی احساں
سلام اس پر مسلمانوں کو دی تلوار اور قرآ ں
سلام اس پر کہ جس کا نام تسکینِ دل و جاں ہے
سلام اس پر کہ جس کے خُلق کی تفسیر قرآں ہے
سلام اس پر کہ جس کا نام لے کر اُس کے شیدائی
الٹ دیتے ہیں تختِ قیصریت اوجِ دارائی
سلام اس پر کہ جس کے نام لیوا ہر زمانے میں
بڑھا دیتے ہیں ٹکڑا سرفروشی کے فسانے میں
سلام اس پر کہ جسکے نام کی عظمت پہ کٹ مرنا
مسلماں کا یہی ایماں، یہی مقصد ، یہی شیوا
سلام اس ذات پر جس کے پریشاں حال دیوانے
سناسکتے ہیں اب بھی خالد و حیدر کے افسانے
سلام اس پر جو دنیا کے لئے رحمت ہی رحمت ہے
سلام اس پر کہ جس کی ذات فخرِ آدمیّت ہے
درود اس پر کہ جس کی بزم میں قسمت نہیں سوتی
درود اس پر کہ جس کے ذکر سے سیری نہیں ہوتی
درود اس پر کہ جس کے تذکرے ہیں پاک بازوں میں
درود اس پر کہ جس کا نام لیتے ہیں نمازوں میں
درود اس پر، جسے شمعِ شبستانِ ازل کہیے
درود اس ذات پر فخرِ بنی آدم جسے کہیے
ماہر القادری
Lyrics
Salam Us Par Keh Jis Nay Baykason Ki Dastgeeri Ki
Salam Us Par Keh Jis Nay Badshahi Main Faqiri Ki
Salam Us Par Keh Asrar-e Mohabbat Jis Nay Samjhai
Salam Us Par Keh Jis Nay Zakhm Khar Kar Phool Barsai
Salam Us Par Keh Jis Nay Khoo Kay Piyason Ko Qabain Dee
Salam Us Par Keh Jis Nay Galiyan Sun Kar Duaen Dee
Salam Us Par Keh Dushman Ko Hayate Jawidan Day Di
Salam Us Par Abu Sufyan ko Jis Nay Amaa Day Di
Salam Us Par Keh Jis Ka Zikr Hai Saray Sahaif Main
Salam Us Par Keh Huwa Majrooh Jo Bazar-e Taif Main
Salam Us Par Watan Kay Loog Jis Ko Tang Kartay They
Salam Us Par Keh Ghar Walay Bhi Jis Say Jang Kartay They
Salam Us Par Keh Jis Kay Ghar Main Chandi Thi Na Soona Tha
Salam Us Par Keh Toota Borya Jis Ka Bichona Tha
Salam Us Par Jo Sacchai Ki Khatir Dukh Uthata Tha
Salam Us Par Keh Jo Bhooka Reh Kay Auron Ko Khilata Tha
Salam Us Par Jo Ummat Kay Liay Raton Ko Roota Tha
Salam Us Par Jo Farsh-e-Khaak Par Jaray Main Soota Tha
Salam Us Par Keh Jis Nay Jholiyan Bhar Di Faqiron Ki
Salam Us Par Keh Mushken Khool Di Jis Nay Asiron Ki
Salam Us Par Keh Tha ALFAQR-O FAKHRI Jis Ka Sarmaya
Salam Us Par Keh Jis Kay Jism-e-Athar Ka Na Tha Saya
Salam Us Par Keh Jis Nay Fazl Kay Mooti Bakhairay Hain
Salam Us Par buron Ko Jis Nay Farmaya Keh Meray Hain
Salam Us Par Keh Jis Ki Chaand Taroon Nay Gawahi Di
Salam Us Par Keh Jis Ki Sang Paroon Nay Gawahi Di
Salam Us Par Keh Jis Nay Chaand Ko Do Tukray Farmaya
Salam Us Par Keh Jis Kay Hukm Say Suraj Palat Aya
Salam Us Par Faza Jis Nay Zamana Ki Badal Dali
Salam Us Par Keh Jis Nay Kufr Ki Quwwat Kuchal Dali
Salam Us Par Shikastain Jis Nay Di Batil Ki Faujon Ko
Salam Us Par Keh Sakin Kar Diya Tufaa Ki Majoon Ko
Salam Us Par Keh Jis Nay Kariron Kay Zoor Ko Toora
Salam Us Par Keh Panja-e- Bay Daad ko Moora
Salam Us Par Sar-e ShahanShahi Jis Nay Jhukaya Tha
Salam Us Par Keh Jis Nay Kufr Ko Neecha Dikhaya Tha
Salam Us Par Keh Jis Nay Zindagi Ka Raaz Samjhaya
Salam Us Par Keh Jo Khud Badr Kay Maidan Man Aya
Salam Us Par Bhula Saktay Nahi Kabhi Jis Ka Ehsan
Salam Us Par Musalmano Ko Di Talwar Aur Quran
Salam Us Par Keh Jis Ka Naam Taskeen-e Dil-o- Jaa Hai
Salam Us Par Keh Jis Kay Khulq Ki Tafseer Qura’a Hai
Salam Us Par Keh Jis Ka Naam Lay Kar Us Kay Shaidai
Ulat Daitay hain Takht-e Qaisariyyat Taaj-e Daraai
Salam Us Par Keh Jis Kay Naam Laiwa har Zamanay Main
Barha Daitay hain Tukra Sar Faroshi Kay Fasanay Main
Salam Us Par Keh Jis Kay Naam Ki Azmat Pay Kat Marna
Muslama Ka Yahi Emaa Yahi Maqsad Yahi Sheewa
Salam us Zaat Par Jis Kay Preshaa Haal Diwanay
Suna Saktay Hain Ab Bhi KHALID-O- HAIDAR Kay Afsanay
Salam Us Par Keh Jo Dunay Kay Liay Rahmat Hi Rahmat Hai
Salam Us Par Keh Jis Ki Zaat Fakh-e Admiyyat Hai
Durood Us Par Keh Jis Ki Bazm Main Qismat Nahi Sooti
Durood Us Par Keh Jis Kay Zikr Say Sairi Nahi Hooti
Durood Us Par Keh Jis Kay Tazkiray Hain Paak Bazo’o Main
Salam Us Par Keh Jis Ka Naam Laitay Hain Namazoo Main
Durood Us Par Jisay Sham’e Shabistan-e- Azal Kehye
Durood Us Zaat par Fakhr-e- Bani Adam Jisay Kehye
Mahir ul Qadri
